AZAM FC YAWASILI JIJINI MBEYA TAYALI KWA MPAMBANO WAKE NA MBEYA CITY FC UWANJA WA SOKOINE

Na EmananuelMadafa,Mbeya

KIKOSI cha vinara wa ligi kuu soka Tanzania bara, Azam FC, Teyari kimewasili jijini mbeya  kwa ajili ya mechi ya Ligi Kuu sokaTanzania Bara dhidi ya wenyeji Mbeya City  kwenye Uwanja wa Sokoine mjini humo.

Azam fc wanaohitaji pointi tatu ambazo zitawapa ubingwa  rasmi na kuwavua mabingwa watetezi, Dar Young Africans.

Kocha Mcameroon wa Azam FC, Joseph Marius Omog alikuwa mwenye furaha baada ya ushindi wa 3-0 juzi Uwanja wa Mabatini, Mlandizi mkoani Pwani dhidi ya wenyeji Ruvu Shooting, lakini akasema shughuli haijaisha.

“Ni furaha. Ni ushindi mzuri, tumevuka kikwazo kimoja, vijana waliuanza mchezo vizuri wakizingatia nilichowaambia. Karibu kila mmoja alitekeleza majukumu yake vizuri. Wapinzani walikuwa wagumu, lakini tumechukua pointi tatu,”alisema.

Omog alisema anajivunia wachezaji wake na hana cha kuwaambia zaidi ya asante pamoja kama timu na akawataka kuendeleza mshikamano huo daima.

 Hata hivyo, Omog amewaambia wachezaji wake kwamba wanahitaji kushinda pia mechi mbili za mwisho ili wamalize ligi vizuri.

Ushindi huo umeifanya Azam FC ifikishe pointi 56 baada ya kucheza mechi 24 na kujivuta karibu kabisa na chumba kinachohifadhi Kombe la ubingwa wa Ligi Kuu, ikiwaacha kwa pointi nne mabingwa watetezi, Yanga SC wenye pointi 52 za mechi 24 pia.

Timu hiyo ya Alhaj Sheikh Said Salim Awadh Bakhresa na familia yake, baada ya mechi ya kesho itacheza mechi ya mwisho dhidi ya JKT Ruvu Aprili 19, Uwanja wake wa Azam Complex, Chamazi, Dar es Salaam.

CHANZO: TOVUTI YA AZAM

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070