WANAMZUMBE CAMPUS YA MBEYA WAAGA MIILI YA WANAFUNZI WALIO KUFA MAJI

Miili ya wanafunzi hao ikipokelewa na wanafunzi wa chuo hicho cha mzumbe Campus ya Mbeya kwa ajili ya kuagwa chuoni hapo na kusafirishwa kwa ajili ya mazishi mkoani Tanga na Dar es salaam.

Mhadhili wa Chuo hicho ambaye ndiye mwalimu wa darasa kwa marehemu hao Ndugu Lusekero akitoa neno la shukrani kwa wanachuo pamoja na viongozi mbalimbali namna walivyo shiriki katika msiba huo

Mmoja wa Wahadhiri wa Chuo Cha Mzumbe  Mwanasheria na wakili  Steven John akiwa katika majonzi ya kupotelwa na wanafunzi wake.

Mkuu wa Chuo Kikuu Cha Mzumbe Campus ya Mbeya Prof.Ernest Kihanga akiwa ameinama kwa majonzi makubwa hali iliyofanya ashindwe kutoa neno juu ya msiba huo.

 Na EmanuelMadafa,Mbeya

WANAFUNZI hao wawili wa Chuo cha Mzumbe Campus ya Mbeya, walipoteza maisha baada ya kuzama kwenye bwawa la maji la kunyweshea wanyama lililopo kwenye hifadhi ndogo ya Bonde la Ifisi Wilayani Mbeya.

Bwawa hilo linamilikiwa na Kanisa la Kiinjili la Uinjilist lililopo eneo la  Mbalizi, limetengenezwa kwa ajili ya matumizi maalum ya kuhifadhi maji ili kutumika nyakati za kiangazi kwa ajili ya wanyama ambao wamehifadhiwa kwenye bonde hilo kwa ajili ya shughuli mbalimbali za kiutalii.

Awali akizungumzia tukio hilo, Mkuu wa Chuo cha Mzumbe Campus ya Mbeya, Profesa Ernest Kihanga, alisema uongozi ulipata taarifa  ya vifo hivyo majira ya saa kumi jioni Mei 2 mwaka huu .

Amesema kwamba wanafunzi wawili ambao ni Maiko Tarime na Albart Shenkalwa wote wamezaliwa katika  miaka ya 1991 na 1992.

Amesema, Marehemu Maiko anaishi Mkoani Tabora huku marehemu Albart ni mkazi wa Tanga ambao wote kwa pamoja wanatarajiwa kusafirishwa leo(jana) kuelekea nyumbani kwao kwa ajili ya maziko.

Akielezea tukio hilo, Kihanga amesema wanafunzi hao ambao inasemekana walikuwa 14 wanaume kwa wanawake waliongozana kwa pamoja na kwenda kwenye hifadhi hiyo kwa ajili ya kuangalia wanyama mara baada ya chuo hicho kufungwa kwa muda wa wiki moja.

Amesema, imeelezwa kwamba baada ya wanafunzi hao kuingia kwenye bwawa hilo la maji wakitumia Mitumbwi na Boti zilizokuwa pembeni ndipo boti ilipinduka na marehemu Maiko kuanza kuzama.

Hata hivyo zoezi la kuwaaga marehemu hao limekwisha fanyika chuoni hapo ambapo teyari miili hiyo imekwisha safirishwa kwa ajili ya mazishi kwa mkoa wa Tanga na Dar es salaam. 
mwisho

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070