 |
Rais Jakaya Mrisho
Kikwete akihutubia maelfu ya wananchi kwenye kilele cha Sherehe za Miaka
75 ya kanisa la Tanzania Assemblies of God katika uwanja wa Kumbukumbu ya
Sokoine jijini Mbeya leo Julai 13, 2014
|
 |
Rais Jakaya Mrisho
Kikwete akikabidhiwa tuzo na Askofu Mkuu wa Tanzania Assemblies of God (TAG)
Dkt Barnabas Weston Mtokambali wakati wa kilele cha Sherehe za Miaka 75 ya
kanisa hilo katika uwanja wa Kumbukumbu ya Sokoine jijini Mbeya leo Julai 13,
2014
|
Na
EmanuelMadafa,mbeya
RAIS
wa Jamuhuri ya Muungano wa Tanzania, Jakaya Kikwete, ametoa pongezi kwa
viongozi wakuu wa vyama vya kisiasa nchini kwa hatua yao ya kukutana na
kujadili mskabari wa maendeleo ya upatikanaji wa katiba mpya.
Kikwete amesema hayo hayo
leo jijini Mbeya , wakati akihutubia
kilele cha maadhimisho ya Jubilei ya miaka 75 tangu kuasisiwa na
kuanzishwa kwa Kanisa la Tanzania Assemblies of God (TAG) na
kufanyika katika uwanja wa kumbukumbu ya Sokoine Jijini hapa.
Viongoiz
walikokutana ni pamoja na mwakilishi wa Chama cha Mapinduzi Ccm ,Chadema ,Nccr
mageuzi,na Cuf.
Amesema
hatua ya ya viongoizi hao wakuu wa vyama vya kisiasa kukutana kujadili suala hilo ni
hatua nzuri na inapaswa kuungwa mkono na wote sanjali na kutoa fursa kwao ili waweze kufikia muafaka wao.
Amesema,
matumaini ya watanzania wote ni kuhakikisha Katiba hiyo mpya inapatikana kwa
wakati ikiwa imeweka bayana nchi kuongozwa kwa serikali mbili au tatu.
Jakaya,
alilazimika kulizungumzia hilo baada ya Askofu Mkuu wa Kanisa la TAG Tanzania,
Dr. Barnabas Mtokambali, kumuomba Rais kuingilia kati suala la mchakato wa
upatikanaji wa katiba hiyo kutokana na baadhi ya wajumbe kuweka msimamo wa
kutorejea bungeni kutokana na kupishana kwa mitazamo wakati wa kujadili sura ya
kwanza na yapili ya rasimu hiyo.
Aidha
Rais Kikwete amesema kuwa amefarijika
kusikia viongozi hao na waumini
wa kanisa hilo wakiendelea kuwasihi wajumbe hawa ambao waliondoka Bungeni
kurejea kwani matumaini ya wote ni kumalizika kwa kazi hiyo ambayo kwa asilimia kubwa tayari imemalizika.
Amesema,
Katiba hiyo mpya imelenga kuondoa au kumaliza kasoro ndogondogo zilizomo
kwenye katiba ya awali ambayo inatumika sasa hivyo ni vema wajumbe wakaliona
hilo na kuwatendea haki wananchi ambao wanawawakilisha.
Aidha,
Kikwete alitumia nafasi hiyo kuwaondoa wasiwasi watanzania ambao baadhi wameonyesha kukata tamaa na
upatikanaji wa Katiba hiyo mpya kwa wakati kwani tayari pande hizo zimeanza
meza ya mazungumzo hivyo anamatumaini makubwa na wajumbe hao kurejea
Bungeni ifikapo Mwezi Agosti ikiwa ni awamu ya pili ya wajumbe kujadili Katiba
hiyo .
Pia, katika kusisistiza hilo Rais, aliwaomba
waumini na wachungaji wa madhehebu mbalimbali kuendelea na maombi ya kuwaombea
wajumbe hao kuondokana na mapepo ambayo kwa asilimia kubwa yamekuwa yakichangia
kuvuruga amani iliyopo ndani ya Bunge hilo.
Kadhalika, Kikwete amewataka
viongozi hao wa dini kuendelea na kazi yao ya kuhubiri amani na upendo nchini ,
kwani hali hiyo itachangia kwa kiasi kikubwa kupunguza vitendo vya uhalifu na
uovu vilivyojikita ndani ya jamii na kuipunguzia serikali mzigo.
mwisho
Post a Comment