WATALII WASHANGAA MAAJABU YA MUNGU HIFADHI YA RUAHA

Na Mwandishi wetu,Iringa

WATALII kutoka nchi ya Ujerumani, wamestaabishwa na maajabu ya hifadhi ya Taifa ya Ruaha iliyopo Mkoani Iringa, kutokana na kuwa na Tembo pamoja na Simba wenye maumbo makubwa huku wakitembea kwa makundi.

Wamesema, licha ya kubahatika kutembelea mbuga mbaimbali katika nchi za Afrika, hawajawahi kukutana na mnyama aina ya Tembo pamoja na Simba wakiwa na maumbo makubwa huku wakishangazwa na uwezo wa Simba wa kuua Tembo.

Kauli hiyo imetolewa jana na Mtalii, Maik Zobel kutoka nchini Ujerumani, alipotembelea hifadhi hiyo ya Taifa ya Ruaha iliyopo Mkoani Iringa.

‘’Nimeshuhudia Simba wakiwa wamemuua tembo mkubwa katika hifadhi hii na wanatembea kwa makundi na hili ni jambo la ajabu sana kwangu,kiufupi nimeona wanyama wengi sana katika hifadhi hii’’alisema Zobel.

Aidha, Mtalii huyo hakusita kuimwagia sifa Hifadhi ya Taifa ya Ruaha, kwakua na utulivu mkubwa hali inayo wawezesha watalii kuwaona wananyama na ndege wa aina mbalimbali bila ya kusafiri umbali mrefu kuwatafuta.

Hata hivyo Maik Zobel alitoa witoa kwa serikali ya Tanzania kuongeza usimamizi madhubuti wa kuhakikisha wanawahifadhi wanyama na uoto wa asili katika maeneo ya hifadhi kwa ghamara yoyote ile kwajili ya urithi wa vizazi vijavyo.

Kwa upande wake, Afisa Mwandamizi wa hifadhi hiyo ya Taifa ya Ruaha,Eva Pwelle, alisema uongozi wa Hifadhi hiyo, unaendelea na jitihada za kuimarisha miundombinu ya barabara na maeneo ya kulala wageni katika hifadhi hiyo.

Aliyataja baadhi ya maeneo yatakayoimarishwa kwajili ya kulala wageni ni ujenzi wa Mahema,mabanda ya Msonge,mabweni pamoja na nyumba ndogo katika maeneo mbalimbali ya hifadhi.

mwisho