MTOTO WA MWAKA MMOJA AFARIKI BAADA YA KUTUMBUKIA KWENYE KISIMA CHA MAJI>>>>SOMA HAPA

Kaimu Kamanda wa Polisi Mbeya Barakael Masaki 

Na Mwandishi wetu,Mbeya

Mtoto mdogo mwenye umri wa mwaka mmoja aliyetambulika kwa jina la Angel Ramadhani amefariki dunia baada ya kutumbukia kwenye kisima kilichopo jirani na nyumba yao.

Tukio hilo limetokea Novemba  26 mwaka huu  majira ya saa 15:30 jioni maeneo ya Ikuti, Kata ya Iyunga, jiji  Mbeya.

Inadaiwa kuwa, mtoto huyo alitambaa kuelekea kwenye kisima hicho na ndipo alipotumbukia na kupelekea kifo chake.

Aidha, wakati tukio hilo linatokea mama mzazi wa mtoto huyo alikuwa jikoni anapika na kumuacha mtoto huyo akiwa anacheza na ndipo alitambaa na kutumbukia kwenye kisima kilikuwa jirani na nyumba yao.

Ambapo tayari Mwili wa marehemu umehifadhiwa katika hospitali ya rufaa mbeya.

Kaimu kamanda wa Polisi Mkoa wa Mbeya kamishina msaidizi wa Polisi Barakael  Masaki anatoa wito kwa wazazi na walezi kuweka uangalizi wa kutosha kwa watoto wadogo ili kuepuka madhara yanayoweza kujitokeza.

Aidha, anatoa wito kwa jamii kufunika visima pamoja na vyoo sanjali na  kufukia mashimo yenye maji kwani ni hatari kwa watoto wadogo hasa katika kipindi hiki cha mvua.

Mwisho.

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070