MKOA WA MBEYA WARIDHIA MAJINA YA WANAFUNZI WALIOCHAGULIWA KUJIUNGA KIDATO KWANZA JANUARY2015

Afisa elimu wa Mkoa wa Mbeya, Remigius Ntyama

Na Emanuel Madafa

JUMLA ya wanafunzi , 28,780 waliomaliza elimu yao ya msingi mwaka 2014 katika Mkoa wa Mbeya,wamechaguliwa kujiunga na elimu ya Sekondari January ,2015.

Akitoa taarifa hiyo jana, Afisa elimu wa Mkoa wa Mbeya, Remigius Ntyama, alisema idadi hiyo ni sawa na asilimia 98.55 licha ya kukabiliwa na changamoto kubwa ya kutofikia Malengo ya Matokeo Makubwa Sasa(BRN).

Alisema, wanafunzi waliochaguliwa katika shule za bweni ni 255 kati yao wavulana 168 na wasichana 87 sawa na asilimia o.89.

Alisema, wanafunzi 28,365 kati yao wavulana ni 13,861 na wasichana 14,504 wamechaguliwa kujiunga katika shule za kutwa.

Aidha,alisema kuwa wasichana 160 sawa na asilimia 0.6 kutoka halmashauri ya Busokelo, Ileje, Kyela na Rungwe wamechaguliwa kujiunga na shule ya wasichana ya Kayuki iliyopo Wilayani Rungwe Mkoani Mbeya.

Akizungumzia kushuka kwa kiwango cha ufaulu, Ntyama alisema kuwa kwa miaka mitatu mfululizo, ufaulu wa wanafunzi Kimkoa umekuwa ukipanda lakini mwaka 2014 ufaulu umepanda kwa kiasi kidogo kwa asilimia tatu japo yapo chini ya asilimia 60 ambayo ni malengo ya BRN.

Alisema,hali ya kutofikiwa malengo kwa mkoa wa Mbeya ni changamoto kubwa ambayo kwa pamoja viongozi na jamii inatakiwa kutambua kuwa tumepatwa na janga ambalo kila mmoja wetu anatakiwa awajibike.

Hata hivyo, alitoa wito kwa viongozi wote wa serikali, wadau wa elimu wote kwa ujumla kuweka mikakati ya dhati katika kusimamaia, kutekeleza na kutoa maamuzi sahihi katika kuboresha elimu ndani ya Mkoa wa Mbeya.

Mwisho.