WATANO WAFA KATIKA AJALI TUKUYU MBEYA WAKIENDA KUZIKA>>>>>SOMA HAPA

Kamanda wa Polisi Mkoa wa Mbeya Ahmed Msangi

Na EmanuelMadafa,Mbeya

Watu watano wamefariki dunia baada ya gari walilokuwa wakisafiria lenye namba za usajili T.143 Ajr aina ya Mitsubishi Fuso lililokuwa likiendeshwa na  Robert Mwakibibi (37) mkazi wa Uyole .

Ajali hiyo imetokea mnamo Des15 mwaka huu  majira ya saa 11:45 asubuhi huko katika kijiji cha Kantela-Ntokela, Kata ya Ntokela, Wilaya ya Rungwe, Mkoani  mbeya katika barabara kuu ya mbeya/tukuyu.

Inadaiwa kuwa  Chanzo cha ajali hiyo  ni hitilafu katika mfumo wa breki wa gari hilo hali iliyosababisha dereva huyo kumshinda na kupinduka  ambapo Inadaiwa kuwa watu hao walikuwa wanakwenda kuzika  kijijini hapo wakitokea jijini Mbeya

Kamanda wa Polisi Mkoani Mbeya Ahmed Msangi amesema Waliofariki katika ajali hiyo ni wanawake watatu na wanaume wawili ambao ni  Sophia Omary (50) Mkazi wa Mbalizi  Stela Mwaluswaswa (38) mkazi wa Tunduma .

Wengine ni Suzana Melele (31) mkazi wa mbalizi  Bulele Mwaipaja (48) Mkazi wa uyole na  Jacob Nyaluke (17) mwanafunzi kidato cha nne shule ya sekondari Mbozi misheni na mkazi wa mbozi.

Aidha katika ajali hiyo watu 32 wamejeruhiwa kati yao wanaume ni 16 na wanawake ni 16 ambao wamelazwa katika hospitali za misheni Igogwe na Makandana – Tukuyu.

Aidha  Dereva wa gari hilo  alikimbia mara baada ya tukio na jitihada za kumtafuta zinaendelea.

MWISHO.

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070