WATU WANAOISHI NA VVU JIJINI MBEYA WAPAZA SAUTI KWA ASASI NA TAASISI ZA SERIKALI >>>>SOMA HAPA

Watu  wanaoishi na virusi hivyo, Alfred Sanga, wakati akitoa ushuhuda wa namna yeye na Mkewe, Aza  Spea Sanga, walivyofanikiwa kufuata masharti ya utumiaji dawa hizo za ARV na kuzaa mtoto asiye na maambukizi.

Mgeni rasmi katika maadhimisho hayo Askofu Kiongozi wa kanisa la Moraviani Tanzania, Alinikisa Cheyo

Burudani

Kuwasha mshumaa kuwakumbuka waliotangulia mbele za haki kutokana na ugonjwa huo. 

Mratibu wa Ukimwi Jiji la Mbeya,Happy Luteganya,akisoma risala 

Mwandishi wa habari  kutoka Fahari News blog akipima afya yake 

NaMwandishi wetu,Mbeya

WATU wanaoishi na virusi vya Ukimwi Mkoa wa Mbeya, wamezitaka Asasi na Taasisi zinazojihusisha na mapambano dhidi ya ugonjwa huo  kupigania  uwepo wa sheria mahususi ambayo itawalinda na mazingira hatarishi ya zaidi yatakayotokana na  utengenezaji wa dawa za kufubaza virusi zilizochini ya kiwango.

Wito huo ulitolewa Jijini Mbeya  na mmoja wa watu hao wanaoishi na virusi hivyo, Alfred Sanga, wakati akitoa ushuhuda wa namna yeye na Mkewe, Aza  Spea Sanga, walivyofanikiwa kufuata masharti ya utumiaji dawa hizo za ARV na kuzaa mtoto asiye na maambukizi.

Akizungumza mbele ya mgeni rasmi katika maadhimisho ya siku ya Ukimwi duniani, Askofu Kiongozi wa kanisa la Moraviani Tanzania, Alinikisa Cheyo, ambapo kwa Jiji hilo, yalifanyika kwenye uwanja wa Mbata, Sanga amesema kitendo hicho kinawaweka katika mazingira hatarishi zaidi.

Kwa upande wake mgeni rasmi katika maadhimisho hayo, Askofu Cheyo amesema kuwa licha ya kwamba  viwango  vya maambukizi kupungua mkoani Mbeya kutoka asilimia 9.2  katika utafiti wa mwaka 2008 hadi kufikia asilimia 9.0 katika utafiti wa mwisho wa mwaka 2012.

Hata hivyo, alitaka jitihada zaidi za serikali na wadau wa ugonjwa huo kuhakikisha wanawafikia vijana wengi walio shule ili kuwapa elimu ya kutosha juu ya maambukizi na kujikinga na Ukimwi , tofauti na sasa ambapo ni asilimia 65 tu ya wanafunzi wamefikiwa.

Awali akisoma risala katika maadhimisho hayo, Mratibu wa Ukimwi Jiji la Mbeya,Happy Luteganya, alisema licha ya jitihada mbalimbali za kuelimisha jamii juu ya ugonjwa huo, bado kuna changamoto nyingi.

Aidha, Luteganya alisema changamoto nyingine inayokwaza zaidi vita dhidi ya mapambano dhidi ya Ukimwi ni kutokana na program zake kuwa tegemezi, huku kwa Mkoa wa Mbeya ukiwa na asasi 36, ambapo 15 kati ya hizo ndio hutoa taarifa.

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070