UKISTAAJABU YA MUSSA UTAONA YA FILAUNI>>>>MOTO WA AJABU WAIBUKA NA KUTEKETEZA NYUMBA>>FAMILIA ZA LALA NJE

Baadhi ya vitu mbalimbali vikiwa vimewekwa nje ya baada ya moto wa ajabu kuibuka na kuteketeza nyumba eneo la Mtaa wa Mageuzi Kata ya Nsalala Mbalizi Mbeya.

waathirika wa moto huo wakiwa wahajui nini cha kufanya mara baada ya moto huo wa ajabu kuibuka

Moto huo wa ajabu ukiwa umeunguza ukuta licha vitu kutolewa nje

Na Ezekiel Kamanga ,Mbeya

Mkazi wa mtaa wa mageuzi kata ya Nsalala Mbalizi Mbeya Bi Tatu Hatibu miaka (40) amelazimika kulala nje ya nyumba yake akiwa na wafamilia yake ya watu 8 baada ya nyumba yake kukumbwa kadhia ya moto wa ajabu.

Tukio hilo la ajabu lilianza kutokea alfajiri ya jumatatu wiki hii ambapo moto ulianza kuwaka katika moja ya vyumba wanavyolala watoto ambapo moto huo uliteketeza magodoro wakati watoto wakiwa wamelala.

Jambo la kushangaza katika tukio hilo ni magoro na nguo kuteketea kwa moto huku miili ya binadamu waliokuwa wamelala kwenye magodoro hayo kutopata madhara yoyote.

Akielezea mkasa huo Bi Tatu ambaye ni mwathirika wa tukio hilo amesema tukio hilo limekuja siku chache baada ya kushinda kesi dhidi ya jirani yake ambayo iliamriwa katika mahakama ya Mbalizi.

Amesema kesi hiyo ilikuwa inahusu ungomvi wa makazi yeye pamoja jirani yake ambapo katika eneo analo ishi bibi huyo kulikuwa na kipande cha ukuta ambacho kiliongezeka kujengwa hadi eneo la nyumba yake hali ambayo iliibua mgogoro huo.

Nao baadhi ya mashuhuda wa tukio hilo ambao ni familia ya Bi.TATU wamesema kutokana na kadhia hiyo hivi sasa wamelazimika kulala nje ya nyumba yao kukwepa maafa zaidi.

Blog hii imeshuhudia familia hiyo ikiwa nje ya nyumba yao kwa kuofiwa kukutwa na maafa zaidi ambapo hadi tunakwenda mitamboni bado moto huo uliendelea kuteketeza baadhi ya vitu katika makazi ya Bibi huyo..