MKUU WA WILAYA YA MBARALI AAGIZA WATENDAJI WA VIJIJI VYA KAPUNGA NA UKWAVILA KUKAMATWA

 Mkuu wa Wilaya ya Mbarali Ndugu Gulam Husein (Picha Maktaba)

Na Ezekiel Kamanga,Mbarali

Mkuu wa Wilaya ya Mbarali, Mh. Gulamhussein kifu,  aamuru kukamatwa kwa Wenyeviti wa Vijiji pamoja na Watendaji wa Vijiji vya Kapunga (Kata ya Itamboleo) na Ukwavila (Kata ya Mapogoro) kwa ajili ya uchunguzi wa kusababisha migogoro ya Ardhi Wilayani humo.

Mkuu wa Wilaya ya Mbarali amewaagiza Mkuu wa Polisi Wilaya (OCD) pamoja na Kamanda wa TAKUKURU Wilaya kuwakamata Bwana Braithon Mwinuka  Mwenyekiki wa Kijiji cha Kapunga, Bwana Clement Mgaya Mwenyekiti wa Kijiji cha Ukwavila, bwana Peter Kitta aliekuwa  Mtendaji wa Kijiji cha Kapunga na Bwana Naftal Fungo Mtendaji wa Kijiji cha Ukwavila kwa kusababisha migogoro ya Ardhi, kugawa Ardhi bila ya kufuata utaratibu pamoja na kusababisha kuuziwa watu tofauti kipande kimoja cha Ardhi.

Maamuzi hayo yametolewa leo Desemba 12 kwenye kikao cha Kamati ya Ulinzi na Usalama kilichojumuisha Watendaji mbalimbali kutoka ngazi ya Halmashauri ya Wilaya ya Mbarali, Watendaji wa Kata na Vijiji, Wenyeviti wa Vijiji na vitongoji pamoja na viongozi wa wafugaji Wilaya ya Mbarali, kilichokuwa kinajadili kero mbalimbali zinazowakabili wakulima na wafugaji.

Mh. Gulamhusein Kifu vilevile amemuagiza Mkurugenzi Mtendandaji wa Halamashauri ya Wilaya ya Mbarali kuhakikisha anachukua hatua stahiki na za haraka kwa Watendaji wote walio chini yake  watakaobainika kusababisha migogoro katika maeneo yao.

Mwisho.

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070