MAWAKILI WA UTETEZI NA MWANASHERIA WA SERIKALI KESI YA UJAMBAZI INAYOKABILI ASKARI WAWILI NA RAIA WATAMBIANA WAVUTANA MAHAKAMANI

Watuhumiwa kesi ya ujambazi january 3 mwaka huu eneo la kawetere nje kidoko ya jiji lambeya wakiwa mahakamani

NaMwandishi wetu.

Kesi ya uporaji inayo wahusu askari wawili pamoja na Raia watatu ambayo inaendelea katikaMahakama ya Mkoa wa Mbeya imezidi kuvuta hisia za wakazi wa jiji la mbeya mara baada  ya upande wa mashtaka  kuzuia ombi la wakili wa utetezi   Ladislaus Rwekiza  kutaka kumuuliza maswali shahidi  wa kesi ya unyang’anyi wa kutumia silaha kwa madai ya kwamba wakili huyo alichelewa  kufika na kukuta kesi hiyo  inasikilizwa.

Kesi hiyo ambayo inawahusisha washitakiwa watano aliyekuwa askari polisi PC James,  askari wa Jeshi la Magereza Juma Musa, raia wengine watatu, Mbaruku Hamisi ,Amri Kihenya na Elinaza  Mshana ambao wote kwa pamoja wanashtakiwa kwa kosa la unyang’anyi wa kutumia silaha na kwamba tukio hilo walilifanya January 3 mwaka huu katika eneo la Kawatele Wilayani Mbeya.

Ubishi mkali ulianza pale Wakili wa utetezi Ladislaus Rwekiza kusimama na kuiomba mahakama  hiyo iliyokuwa ikiendeshwa na Hakimu Mfawidhi, Michael Mteite kumpa  nafasi ya kumuuliza shahidi kutoka upande wa mashitaka Filbert Matoho ambaye ni Mrakibu Mwandamizi wa Polisi.

Mara tu ya kuwasilisha  ombi hilo ambalo lilipingwa na Wakili wa serikali Achileus Mulisa, ambaye aliitaka mahakama hiyo kutokubali ombi hilo kwani wakili  Rweikiza hawezi kumuhoji maswali shahidi wake kwakua alichelewa kufika.

Akitatua ubishi huo, hakimu Mteite aliuambia upande wa mashitaka kwamba  haoni sababu ya kumzuia wakili Rweikiza kutomuuliza shahidi maswali kwani hakuna sheria inayomzuia hivyo kama yeye anaifahamu aiwasilishe mezani.

Washitakiwa hao walikamatwa  January 3 mwaka huu majira ya 11:45 jioni kwenye mlima Kawetele barabara ya Chunya-Mbeya,  kwa tuhuma za kuhusika kwenye  tukio la kuwapora wafanyabiashara wawili wenye asili ya kiasia mali mbalimbali.

Mbali na wakili Rweikiza mawakili wengine kwa upande wa utetezi ni John Steven na Muya Daniel kesi hiyo itasikilizwa tena March 18 mwaka huu ambapo upande wa mashitaka utaendelea kuleta mashahidi wake.

Mwisho.

Baadhi ya watuhumiwa wakirudishwa mahabusu

Tukiangalia ushahidi

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070