MAMLAKA YA MAJI JIJINI MBEYA (UWSA) YATESWA NA VISHOKA

Afisa Mahusiano Mamlaka ya maji Safi na Usafi wa Mazingira jijini Mbeya Ndugu Neema Stanton akifafanua jambo

Na EmanuelMadafa,Mbeya

Mamlaka ya maji safi na Usafi wa Mazingira Uwsa jijini Mbeya imeendelea kukumbana na changamoto ya kuwepo mafundi feki (Vishoka)ambao wamekuwa wakiunganishia watu maji .

Akizungumzia hali hiyo Afisa Mahusiano wa Mamlaka hiyo Ndugu Neema Stanton amesema kuwa kumeibuka kwa wimbi la watu ambao si watumishi wa mamlaka hiyo  ambao wamekuwa wakiunganishi watu maji na kwa kuwatoza fedha kidogo kama sehemu ya malipo ya kazi hiyo.

Amesema hali hiyo imebainika mara baada ya mamlaka hiyo kuanza msako kwa nyumba hadi nyumba  kwa lengo la kukata maji kwa wadaiwa sugu .

Amesema Katika msako baadhi yao walibainika kutumia huduma hiyo ya maji pasipo kuwa na akaunti ya kulipia huduma hizo za maji kama taratibu zinavyo taka.

K wa mujibu wa Afisa Mahusiano huyo mafundi hao vishoka wamekuwa wakichukua fedha kidogo na kuwaunganishia watu  maji pamoja na baadhi yao kuto pata kabisa huduma hiyo licha ya kutoa  fedha.

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070