UFAULU MBOVU WA WANAFUNZI 2012/2013 WAMKERA DC MBEYA

Baadhi ya wadau mbalimbali pamoja na Wataalam kutoka Halmashauri ya Wilaya ya Mbeya wakiwa makini kumsikiliza Mkuu wa Wilaya hiyo Daktari Nouman Sigalla katika ufunguzi wa mkutano wa kujadili taarifa na maendeleo ya elimu katika halmashauri hiyo katika bwalo la shule ya sekondari ya Swilla Mbarizi.

Mkuu wa Wilaya ya Mbeya Daktari Nouman Sigalla akifungua Mkutano unaojadili taarifa mbalimbali za Elimu Katika Halmashauri ya Wilaya ya Mbeya mkutano ambao umefanyika katika Shule ya Sekondari Swilla Mbarizi .

Na EmanuelMadafa,Mbeya

Halmashauri ya Wilaya Mbeya Mkoani Mbeya  kwa kushirikiana na wadau mbalimbali wa Elimu wameazimia  kuweka mikakati ya pamoja katika kuhakikisha Sekta ya Elimu inakuwa katika Halmashauri hiyo.

Moja ya mikakati hiyo ni kuboresha mazingira ya walimu pamoja na kuboresha miundombinu ya Ufundishaji.

Awali akifungua Mkutano wa Kujadili taarifa mbalimbali za elimu katika Halmashauri hiyo Mkuu wa Wilaya ya Mbeya  Daktari Nouman Sigalla amewataka viongozi  wa halmashauri hiyo kuacha kufanya kazi kwa mazoea badala yake wajikite katika kubuni mbinu mpya itakayosaidia kuinua kiwango cha Elimu wilayani humo.

Amesema katika kuhakikisha kiwango cha Elimu kinakuwa katika Halmashauri hiyo nivyema kila kiongozi akawajibika na kutimiza wajibu kwa nafasi yake bila kujali nafasi aliyonayo.

Aidha Mkuu huyo wa Wilaya amebaisha kuwa licha ya kuwepo kwa changamoto mbalimbali za kielimu hususani upungufu wa Nyumba za walimu na uchache wa walimu kusiwe kikwazo cha kushindwa kufaulisha wanafunzi.

Hata hivyo Mkuu huyo wa Wilaya amewataka viongozi hao kuwa wakali katika kusimamia suala hilo vinginevyo Halmashauri hiyo itakuwa nyuma kielimu pamoja na kushindwa kufikia lengo lake.

Katika hatua nyingine Mkuu huyo wa Wilaya amewataka Madiwani wa Halmashauri hiyo kuhakikisha wanahamasisha wazazi katika suala ulipaji wa ada kwa wakati  ili kuondoa usubufu kwa walimu.

Amesema kumeibuka kwa mtindo kwa baadhi ya wazazi kushindwa kulipa ada kwa wakati  hali ambayo inawalazimu walimu kuacha kufundisha na kujikita katika   suala la ufuatiliaji wa ada kwa wanafunzi.

Katika Matokeo ya Darasa la Saba 2013/14 Halmashauri hiyo imeshika nafasi ya 8  kimkoa huku Secondari ikiwa katika nafasi ya 7.

Mwisho.

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070