JIJI LA MBEYA SASA KUANZA NA MIKAKATI MIPYA YA KUSAFISHA JIJI

Mkuu wa Idara ya Usafi na Mazingira jijini mbeya Ndugu Samuel Bubelwa akionyesha moja vifaa vinavyo tumika kwa ajili ya kuhamasisha wananchi juu usafi wa mazingira.

Taka zikiwa zimekusanywa kwa ajili ya kubebwa na gari la jiji ambapo mfuo huo umenzishwa ili kuondokana na tatizo la uchafua katika maeneo ya madambo katika maeneo ya makazi ya watu

Wakazi wa uyole utukuyuni jijini mbeya wakipakia taka ndani ya gari la jiji .

Na Emanuel Madafa,Mbeya

Halmashauri ya jiji la mbeya kwa sasa lipo katika kuhakikisha linakabiliana na tatizo la kudhibiti uchafuzi wa mazingira na kuboresha usafi wa mazingira kwa kuwashirikisha wadau mbalimbali waliopo ndani na nje jiji la mbeya.

Makusudi ya kuwashirikisha wadau mbalimbali ni katika kutumia rasilimali zilizopo kwa kuongeza uwezo wa jiji kugharamia usafi wa mazingira kwa njia shirikishi na kwa kutumia viongozi mbalimbali kuanzia ngazi ya mtaa kata na Halmashauri.

Akizungumzia mikakati hiyo mkuu wa idara ya usafishaji na mazingira jijini mbeya ndugu Samuel Bubelwa amesema katika kuhakikisha mikakati hiyo inafanikiwa eneo la jiji la mbeya limegawanywa katika kanda tano za usimamizi wa usafi wa mazingira ili kuwa na eneo dogo la usimamizi ambalo litashirikisha ipasavyo uongozi wa mtaa na kata.

Amesema kwa muda mrefu huduma za usafi na utoaji taka zimekuwa zikitolewa kwa jamii bila malipo ya uchangiaji hali ambayo imepelekea wananchi kuona kuwa kazi ya usafi wa mazingira ni ya jiji pekee .

Amesema hali hiyo kwa kiwango kikubwa imedhohofisha mfumo mzima wa usafi na uzoaji taka hasa kutokana na wananchi wenyewe kuwa ndio chanzo cha uchafuzi kuto shirikishwa katika kugharamia usafi.

Kutokana na hali hiyo Bubelwa amesema mipango ya huduma endelevu imekuwa inaelekezwa kwa wananchi juu ya suala la uchangiaji wa gharama za uendeshaji kwa kulipia tuzo kiasi ili kusaidia serikali kutoa huduma iliyo bora kama ilivyo katika uchangia wa sekta ya elimu.

Mwisho.