VITIMBWI VITUKO VYATAWALA UCHAGUZI WA CHADEMA MBEYA

Mgombea wa nafasi ya Ukatibu wa Chadema mbeya Ndugu Fanuel Mkisi ambaye fomu yake ilipotea kabla ya muda wa kuomba kura.

Na Emanuel Madafa,Mbeya
CHAMA Cha Demokrasia na Maendeleo (Chadema) Mkoani Mbeya kimefanya uchaguzi wa kumpata Katibu wa chama hicho mkoani mbeya ambapo uchaguzi huo ulighubikwa na mizengwe pamoja vituko vya aina yake.

Hatua hiyo ni pamoja na mmoja wa wagombea wa nafasi hiyo fomu yake kupotea katika mazingira ya kutatanisha kabla ya kuanza kwa mchajakato wa kujieleza kwa wagombea wote na kuomba kura kutoka kwa wajumbe.

Taarifa ya kupotea kwa fomu hiyo ilitolewa na Mwenyekiti wa Chadema Mkoa wa Mbeya Joseph China,licha ya jina la mgombea huyo kuwepo katika orodha ya wanaowania nafasi hiyo.

Mwenyekiti huyo alimwita mgombea wa nafasi hiyo ndugu Fanuel Mkisi kwa lengo la kutaka kufahamu kuwa fomu hiyo aliikabidhi kwa nani, ndipo alipoeleza kuwa kwamba fomu hiyo alimkabidhi kiongozi red Briget Jamali Juma na kwamba sababu za kufanya hivyo ni kutokana na Mwenyekiti aliyepaswa kuzipokea fomu hizo kuwa na mazungumzo na mmoja wa mgombea mwenza.

Hata hivyo, baadhi ya wajumbe walilaani kitendo hicho na wengine kuwatuhumu baadhi ya viongozi kuhusika na tukio hilo, lengo likiwa ni kumbeba mgombea huyo kwa kumtafutia kura za huruma kutoka kwa wajumbe hao.

Wamesema kitendo cha kupotea kwa fomu ya mgombea huyo ilitakiwa pia hata uchaguzi wenye uhalishwe lakini chaa ajabu uchaguzi huo ulifanyika licha ya kuwepo kwa kasoro hiyo

Kitendo cha kushangaza zaidi ni pale uchaguzi ulipomalizika na Mwenyekiti China, kukutana Mwandishi wa blog hii kueleza kuwa fomu ya mgombea huyo imepatikana na kwamba ilikuwa imejichanganya na makaratasi mengine yaliyokuwa kwenye meza kuu.

Uchaguzi huo ulifanyika katika ukumbi wa "King Leaders Hotel" uliopo ndani ya Kata ya Nsalaga- Uyole Jijini Mbeya ambapo mchuano ulikuwa baina ya wagombea watatu.

Wagombea hao ni Boyid Mwabulanga aliyekuwa akiitetea nafasi hiyo Fanuel Mkisi pamoja na Jidawaya Kazamoyo.

Hata hivyo, uchaguzi huo ulifanyika kwa awamu mbili kutokana na matokeo ya awamu ya kwanza ya wagombea wawili kugongana kwa kupata kura 14 huku mgombea watatu ambaye ni Jidawaya akipata kura 12 kati ya 41 zilizopigwa huku kura moja ikiharibika.

Kutokana na matokeo hayo, Msimamizi wa uchaguzi,Janson Gwilugumo ambaye ni Mwenyekiti Chadema ni msingi Kanda ya Nyanda za Juu kusini, aliomba muongozo kutoka kwa wajumbe baada ya matokeo hayo kutokidhi vigezo vya uchaguzi kwa kutofikisha asilimia 50 kama Katiba inavyoelekeza.

Baada ya kupendekeza ombi hilo, baadhi ya wajumbe walipendekeza kufanyika duru la pili kwa wagombea hao wawili kwani lengo ni kufikia asilimia 50 inayotakiwa na Chadema.

Mapendekezo hayo yaliungwa mkono na wajumbe wa baraza la mashauriano na hatimaye uchaguzi ulifanyika kwa mara ya pili na mgombea Boyid Mwabulanga aliibuka mshindi kwa kupata kura 21 dhidi ya 19 alizopata Mkisi kati ya kura 40 zilizopigwa baada ya mpiga kura mmoja kuomba udhuru.

Hata hivyo mara baada ya uchaguzi huo kumalizika mmoja wa wagombea pamoja na wajumbe wa mkutano huo walieleza kuwa kitendo cha kupotea kwa fomu ya mmoja wa wagombea wa nafasi hiyo ni moja ya mikakati ya kumebeba mgombea huyo.

Walisema pamoja na mkakati huo kukwama bado kuna dalili kubwa ya mgombea huyo kuchukua nafasi hiyo ya ukatibu kewani majina yote yanapekekwa makao makuu ya chama hicho ambapo kati ya maina hayo moja wapo linaweza kupitishwa na kuwa katibu hata kama kura zake hazikutosha.

Mwisho