MKOA WA MBEYA WAJINANUSUA UJENZI WA MAABARA>>>>>ZOEZI LAFANIKIWA KWA ASILIMIA 95

Mkuu wa Mkoa wa mbeya Abbas Kandoro (katikati) akiwa pamoja na viongozi na wakuu wa wilaya ya mkoani humo katika mkutano na waandishi wa habari juu ya ukamilishwa wa zoezi la ujenzi wa maabara.

Na Emanuel Madafa, Mbeya.

SERIKALI ya Mkoa wa Mbeya, imeweza kutekeleza agizo la Rais Jakaya Kikwete la ujenzi wa maabara kwa asilimia 95.45 kwa shule 696 zilizopo mkoani humo.

Akizungumza na waandishi wa habari ofisini kwake leo jijini Mbeya , Mkuu wa Mkoa wa Mbeya, Abbasi Kandoro, amesema Mkoa wa Mbeya unajumla ya shule za sekondari 696 zinazomilikiwa na serikali na kati ya hizo shule 602 zimekamilisha ujenzi wa vyumba hivyo vya maabara.

Kandoro amezitaja halmashauri ambazo tayari zimekamilisha zoezi hilo kuwa ni Halmashauri ya Mbeya, ambayo inajumla ya shule 27 za sekondari na maabara zilizokuwa zikihitajika ni 81 na zote zimekamilika sambamba na vitendea kazi vyake.

Amesema, halmashauri nyingine ni Kyela ambayo inajumla ya sekondari 22 uhitaji wa maabara ulikuwa ni 66 na zote zimekamilika ikifuatiwa na halmashauri ya Mbozi ambayo inajumla ya sekondari 40 maabara zilizokamilika ni 117 kati ya 120 zinazohitajika.

Amesema, ujenzi wa vyumba hivyo vya maabara umeenda sambamba na tarehe ya mwisho aliyoitoa Rais ya kwamba ifikapo mwezi Desember mwaka huu, halmashauri zote nchini ziwe zimekamilisha ujenzi huo wa maabara.

Amesema, vyumba vya maabara 94 sawa na asilimia 4.55 ujenzi wake bado unaendelea lakini ifikapo mwezi Desember mwaka huu vitakuwa vimekamilika kwani matengenezo yaliyobakia ni madogo madogo.

Hata hivyo Mkuu huyo wa Mkoa amesema halmashauri ya Mbarali ambayo imekamilisha ujenzi huo wa maabara 48 kati ya 48 zilizokokuwa zikihitajika huku halmashauri ya Busokelo ambayo inajumla ya shule 15 maabara zilizokamilika ni 41 kati ya 45 zinazohitajika , halmashauri ya Chunya shule zilizopo 20 maabara 60 zilizokamilika ni 18.

Hata hivyo, Kandoro amesema kuwa halmashauri ya Ileje inajumla ya shule 19 na maabara zilizokamilika 51 kati ya 56 zinazohitajika huku Jiji la Mbeya likiwa na shule 31 maabara zinazohitajika ni 93 kati ya hizo maabara 89 zimekamilika.

Mwisho.