 |
| Muonekano wa Ziwa Ngozi lililopo katika eneo la Mbeya One Wilayani Rungwe Mkoani Mbeya. |
Na
Mwandishi wetu,Mbeya
Serikali
imeendelea na jitihada zake mbalimbali za kuhakikisha wananchi wake hususani
waishio vijijini wanaendelea kupata huduma ya umeme .
Hatua hiyo inakuja kufuatia shirika la umeme
nchini Tanzania (TANESCO)kuanzisha wa mradi wa uzalishaji umeme kutumia ‘Joto ardhi’ lililopo katika Ziwa
ngozi lililopo Wilayani Rungwe Mkoani Mbeya .
Kauli
hiyo imetolewa jij Mbeya na Mkurugenzi Mkuu wa Shirika la Umeme Tanzania,
(TANESCO) Felchesmi Mramba, wakati wa mkutano mkuu wa Baraza la
wafanyakazi wa shirika hilo.
Amesema,
mradi huo unaendeshwa na Kampuni ya Gothemo ambayo tayari ipo Mkoani Mbeya
ikiendelea na kazi za awali za kuweka miundombinu pamoja na uboreshaji wa
maeneo kabla ya kuanza kufua umeme huo kwa kutumia joto ardhi.
Alisema,
kupatikana kwa umeme huo kutasaidia kupunguza tatizo la umeme pamoja
na kushusha gharama ya huduma kwa watumiaji wa majumbani na viwandani hususani
wakazi wa Mkoa wa Mbeya.
 |
| Mkurugenzi Mkuu wa Shirika la Umeme Tanzania, (TANESCO) Felchesmi Mramba |
Amesema
tafiti mbalimbali zimefanyika na kubaini uwepo wa nishati ya umeme kwenye Ziwa
hilo pamoja na kwenye Bonde la Mto Songwe kutokana na kuzungukwa na
miamba ya mawe ambayo hutoa joto linaloweza kuzalisha nishati hii ya umeme.
Ziwa
hilo lipo katika eneo la Mbeya One Wilayani Rungwe Mkoani Mbeya
likiwa na urefu wa mita 150 kutoka kilele cha milima inayozunguka ziwa , ambapo
kutoka usawa wa maji kina cha maji ni urefu wa mita 73 na ukubwa wa eneo lenye
maji ni kilomita sita hadi 10 za mraba na lina ukubwa wa kilometa za mraba
3.75.
Wataalam wanaeleza kuwa ziwa hilo limetokana na volcano , limezungukwa na misitu mizuri ya asili ya kitropiki hali nzuri ya hewa na tulivu.
Ili kulifikia ziwa hilo unalazimika kutembea kwa mwendo wa kati ya dakika 45 na saa 1 kutoka kijijini Mbeye One ambacho kipo barabara kuu ya Mbeya-Kyela.
Pia kutoka katika kilele cha milima inayozunguka ziwa hilo unalazimika kushuka kwa zaidi ya dakika 45 huku ukilazimika kushuka kwa kutumia mizizi migumu ya miti ya asili iliyopo katika msitu mnene kwasababu ya mteremko mkali kuelekea katika ziwa hilo.
Mwsisho.
Wataalam wanaeleza kuwa ziwa hilo limetokana na volcano , limezungukwa na misitu mizuri ya asili ya kitropiki hali nzuri ya hewa na tulivu.
Ili kulifikia ziwa hilo unalazimika kutembea kwa mwendo wa kati ya dakika 45 na saa 1 kutoka kijijini Mbeye One ambacho kipo barabara kuu ya Mbeya-Kyela.
Pia kutoka katika kilele cha milima inayozunguka ziwa hilo unalazimika kushuka kwa zaidi ya dakika 45 huku ukilazimika kushuka kwa kutumia mizizi migumu ya miti ya asili iliyopo katika msitu mnene kwasababu ya mteremko mkali kuelekea katika ziwa hilo.
Mwsisho.
Post a Comment