 |
| Kamanda wa Polisi Mkoa wa Mbeya Ahmed Msangi |
Na Mwandishi wetu,Mbeya
Mwanafunzi wa darasa la pili katika shule ya
msingi Saza Wilayani Chunya Mkoani Mbeya Ndugu Epani Raphael (10) amekutwa amekufa maji kwenye korongo la maji alimokuwa anaogelea na wenzake.
Mwili wa marehemu 05.01.2015 majira ya saa 12:00 jioni huko katika kijiji cha saza, tarafa ya kwimba, wilaya ya chunya, mkoa
wa mbeya.
Inadaiwa kuwa chanzo cha kifo hicho ni baada
ya mwanafunzi huyo huyo kuzidiwa maji na kushindwa kuogelea.
Kamanda wa polisi mkoa wa mbeya kamishna
msaidizi mwandamizi wa polisi Ahmed Msangi anatoa wito kwa wazazi/walezi kuwa makini na watoto wadogo kwa
kutoa/kuweka uangalizi wa kutosha ikiwa ni pamoja na kutowaruhusu kuogelea
katika mito, mabwawa kwani ni hatari kwa maisha yao hasa katika kipindi hiki
cha mvua zinazoendelea kunyesha.
Mwili wa marehemu umehifadhiwa hospitali
teule ya mwambani wilaya ya chunya kwa uchunguzi wa kitabibu.
Wakati huo Jeshi la Polisi Mkoani mbeya
linawashikilia watu wawili wakiwa na silaha bunduki aina ya shot gun yenye
namba co 57126 iliyoachanishwa,
mtutu ukiwa kwenye bomba la maji na
kitako kimefichwa kwenye begi la nguo.
Kamanda wa polisi mkoa wa mbeya Ndugu Ahmed
Msangi amewataja watu hao kuwa ni Isack Mwampashi (26) mkazi wa sae- jijini mbeya na Desdelius Mzogola (42) mkazi wa Ihanga –njombe
Watuhumiwa walikamatwa 04.01.2015 majira ya saa5 usiku huko eneo la Mpakani- check
point, kata ya Igawa, tarafa ya rujewa, wilaya ya mbarali, mkoa wa mbeya wakiwa
kwenye pikipiki yenye namba za usajili T.173
cyj aina ya king lion wakitokea
mbeya kuelekea njombe vijijini.
Imeelezwa kuwa watu hao walikuwa wakielekea nyumbani kwa Mmelu Mmgala Mkazi wa Njombe vijijini ambapo taratibu za kuwafikisha
mahakamani zinaendelea.
Mwisho.
Post a Comment