MAMLAKA ZINAZODHIBITI UBORA WA VYAKULA NCHINI ZIMETAKIWA KUFANYA KAZI KWA KUSHIRIKIANA

Mkuu wa Wilaya ya Mbeya, Nyerembe Munasa, akizungumza  wakati akifungua maadhimisho ya Kitaifa ya wiki ya haki za mtumiaji na mlaji wa bidhaa Duniani akimuwakilisha Mkuu wa Mkoa wa Mbeya Abbas Kandoro  ambapo kitaifa yanafanyika Mkoani Mbeya katika ukumbi wa mkapa jijini hapa

na Mwenyekiti wa Baraza la Ushauri kwa watumiaji wa huduma za mawasiliano (TCRA/CCC )

Hawa Ng’umbi

- See more at: http://jamiimoja.blogspot.com/2015/03/habari-picha-uzinduzi-wa-vilabu-vya.html#sthash.67ffRMCW.dpuf

Mwenyekiti wa Baraza la Ushauri kwa watumiaji wa huduma za mawasiliano (TCRA/CCC ) Hawa Ng’umbi akizungumza katika mkutano huo

Wadau na waalikwa katika mkutano huo wakiwa makini kusikiliza mgeni rasmi.

Mkutano ukiendelea

Picha ya pamoja na meza kuu.

Na Mwandishi wetu

MAMLAKA zinazodhibiti ubora wa vyakula nchini,zimetakiwa kufanya kazi kwa kushirikiana na kampuni za mawasiliano kwa kutumia fursa ya teknolojia ya mawasiliano ili kuhakikisha kuwa haki za watumiaji wa vyakula zinalindwa na huduma bora zinapatikana.

Rai hiyo imetolewa leo na Mkuu wa Wilaya ya Mbeya, Nyerembe Munasa,  wakati akifungua maadhimisho ya Kitaifa ya wiki ya haki za mlaji na mtumiaji wa bidhaa Duniani ambapo kitaifa yanafanyika Mkoani Mbeya, kupitia jukwaa la watumiaji kwa kushirikiana na mamlaka za mawasiliano na mamlaka ya Udhibiti Usafirishaji wanchi kavu na majini(SUMATRA).

Amesemaa, wafanyabiashara wa vyakula pamoja na kampuni za kuhifadhi, kusindika na kusafirisha vyakula zinatakiwa kuhakikisha kuwa zinatumia fursa zilizopo kulinda na kushajiisha matumizi ya teknolojia za mawasiliano ili kulinda afya za watumiaji.

Amesisitiza kuwa nivema Mamlaka zinazodhibiti ubora wa vyakula zikashirikiana kwa pamoja  na kampuni za mawasialiano kwa kutumia fursa ya teknolojia ya mawasiliano ili kuhakikisha kuwa haki za mtumiaji wa vyakula zinalindwa na huduma bora zinapatikana.

Amesema kwa kufanya hivyo  watakuwa wamehusisha suala zima la kutoa elimu kwa watumiaji kuhusu wajibu na haki zao na kutoa tahadhari kwa watumiaji endapo bidhaa zisizokidhi vigezo vya kuwepo sokoni zinapatikana.

Aidha, amesema kuwa kupitia maadhimisho hayo, watumiaji wanapaswa kuzingatia zaidi matumizi ya vyakula asili, pale vinapokuwa na urahisi wa kupatikana ili kupunguza kasi ya ongezeko la magonjwa ya kisukari, kansa, mfumo wa damu nay ale yanayoathiri utendaji wa ufanisi wa moyo na figo.

Hata hivyo, Kiongozi huyo,alisisitiza kwamba hivi sasa umefika muda muafaka kwa watumiaji kudai haki ya usalam wa chakula kwa kutoa taarifa kwa mamlaka husika pale wana wa vyakula kutoka kwa watoa huduma.

Amesema ushiriki wa serikali katika maadhimisho hayo ni namna serikali inavyothamini na kuenzi majukumu muhimu yanoyotekelezwa na taasisi hizo hivyo serikali itaendelea kushirikiana katika kuboresha ufanisi na utendaji wa uchumi wa soko na kumlinda mtumiaji wa kitanzania.

Hata hivyo Mkuu huyo wa wilaya ya mbeya ameonyesha kutoridhishwa na mwenendo wa utoaji wa huduma za matangazo katika vituo vya radio na Tv  kutokana matangazo mengi kuto zingatia maadili sanjali na kiuka taratibu za utoaji huduma hiyo.

Kufuatia hali amezitaka taasisi husika kuangalia upaya jambo hilo ili kutoa haki kwa mlaji na mtumiaji wa huduma hiyo .

Maadhimisho hayo yamehudhuriwa pamoja na Tume ya ushindani (Fair Competitioni Commision)na baraza la ushauri kwa watumiaji wa huduma za usafiri wa anga (TCAA,CCC) pamoja na baraza la ushauri kwa watumiaji wa huduma za Nishati na Maji (EWURA) na Sumatra.

Mwisho.
JAMIIMOJABLOG

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070