MTENDAJI WA MTAA ANUSURIKA KICHAPO KUTOKA WANANCHI KWA MADAI YA RUSHWA >>>>SOMA HAPA

Wakazi wa eneo la mtaa wa Mwambenja Isanga jijini mbeya wakimsubiri Mtendaji wa Mtaa wa Mwambenja Kata ya Iganzo Jijini Mbeya Alex Luvanda kwa lengo la kutaka ufafanuzi juu ya kero mbalimbali zinazo wakabili waka zi hao ikiwemo suala la vitendo vya rushwa pindi wanapohitaji huduma ofisini kwake.

Mtendaji wa Mtaa  Mwambenja Kata ya Iganzo Jijini Mbeya Alex Luvanda akiwasili eneo la tukio kujibu hoja za wananchi wake mara baada ya kumtuhumu kwa vitendo vya rushwa pindi wanapohitaji huduma ofisini kwake.

Diwani kata ya Mwambenja Uswege Fulika akiwasihi wananchi hao kuto fanya vurugu

Mtendaji akizongwa na wananchi

Kichapo

Kichapo

Mtendaji akitimua baada ya mshikemshike

 Na Ezekiel Kamanga ,Mbeya

Mtendaji wa Mtaa wa Mtaa wa Mwambenja Kata ya Iganzo Jijini Mbeya Alex Luvanda amenusurika kipigo kutokwa kwa wakazi wa Mtaa huo wakimtuhumu kwa vitendo vya rushwa pindi wanapohitaji huduma ofisini kwake.

Majira ya saa mbili asubuhi Machi 9 mwaka huu wananchi walimtaka Diwani wa Kata hiyo Uswege Fulika kufika katika ofisi ya Mtendaji wa Mtaa ili kupokea malalamiko yao kutokana na kukithiri kwa vitendo vya Mtendaji huyo vya kujipatia fedha kwa njia ya udanganyifu.

Baada ya Diwani kufika eneo hilo wananchi waliokuwa na ghadhabu hawakutaka mkutano tena badala yake walimwamuru Diwani kufungua ofisi ya Mtendaji ili Mtendaji achukue vifaa vyake aondoke Mtaani hapo kutokana na vitendo vya manyanyaso.

Wananchi hao wakiongea kwa mukali mkubwa walimwambia Mtendaji amekuwa akiwatoza fedha wananchi hao kati ya shilingi elfu thelathini hadi milioni moja bila kutoa stakabadhi yoyote hali iliyozua manun'guniko ya mara kwa mara.

Vurugu zilipoanza kushamiri Diwani alilazimika kufanya kazi ya ziada kumnusuru Mtendaji kwa kumtaka kuondoka eneo hilo kwa kutumia pikipiki yake hadi katika ofisi ya Kata huku akisindikizwa kwa maneno na wakazi hao wakimta Diwani kuhakikisha Mtendaji huyo harudi mtaani hapo.

Kwa upande wake Mwenyekiti wa Mtaa wa Mwambenja Lucas Mwakalonge amesema kuwa Mtendaji huyo amekuwa akifanya kazi peke yake bila kushirikisha kamati ya Mtaa hali iliyozua malalamiko kwa wananchi.

Mwakalonge baada ya kushindwa kuhimili malalamiko hayo alimuomba Diwani kufika Mtaani hapo ili apokee kero za wananchi ambapo Diwani alifika lakini alishindwa kutimiza azma yake kutokana na jazba za wananchi waliomwamuru Mtendaji kuondoka mara moja kutokana na kuchoshwa na vitendo vya Mtendaji wao.

Hata hivyo baada ya kuona mambo yanamwendea kombo Mtendaji aliita kinyemela Askari wa kituo kikuu cha kati kwa madai kuwa kuna Mwananchi mmoja wa Mtaa huo amemjeruhi mtoto sikio hivyo Polisi waje ili achukuliwe hatua za kisheria.

Baadhi ya wananchi hao walidai suala hilo kupelekwa Polisi ni pale ambapo mtuhumiwa aligoma kutoa kitita cha shilingi milioni moja kwa watoto wawili ambao ilidaiwa kuwa hawendi shule.

Polisi waliamua suala hilo kulikabidhi katika Dawati la Jinsia ili kulishughilikia kikamilifu na kurudisha amani katika Mtaa huo.

Diwani Uswege Fulika amesema Mtendaji huyo amehamishiwa katika Mtaa huo amehamishiwa katika mtaa huo miezi mitatu iliyopita hivyo kutokana na mtafaruku huo amesema ataitisha kikao cha dharua cha Kata ili kumwandikia Mkurugenzi wa Jiji ambaye ni Mwajiri wa Mtendaji huyo ili amhamishi katika Kata hiyo kuokana na Mtendaji huyo kushindwa kutimiza majukumu yake.

 JAMIIMOJABLOG

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070