MWENYEKITI WA UVCCM MKOA WA MBEYA ATEMBELEA KAMBI YA VIJANA NA KUTOA UJUMBE MZITO KWA WANACCM

Mwenyekiti wa Vijana wa CCM Mkoa wa Mbeya, Amani Kajuna, mwenye Tshart ya Bendela ya Tanzania akiimba wimbo wa chama pamoja na vijana wa Uvccm Wilaya ya Ileje Mkoani Mbeya mara baada ya kuwatembelea vijana hao  ambao wameweka kambi katika shule ya Msingi ya Itale iliyopo Wilayani Ileje Mkoani Mbeya ikiwa ni sehemu ya utaratibu uliwekwa na Jumuiya hiyo.Picha na Jamiimojablog..

Mjumbe wa baraza kuu la Vijana Taifa Ndugu Neema Mdabila akizungumza na vijana hao.

Mwenyekiti wa Vijana wa CCM Mkoa wa Mbeya, Amani Kajuna, akizungumza na baadhi ya vijana hao mara baada ya kuwatembelea  ambao wameweka kambi katika shule ya Msingi ya Itale iliyopo Wilayani Ileje Mkoani Mbeya. 

Mwenyekiti wa Vijana wa CCM Mkoa wa Mbeya, Amani Kajuna,katikati akiwa pamoja na Mjumbe wa baraza kuu Taifa Vijana Neema Mdabila pamoja na Mwenyekiti wa Umoja wa vijana wa CCM Wilaya ya Ileje, John Mwinyisongole 

Vijana wakionyesha ukakamavu mbele ya Mwenyekiti wao .

Mwenyekiti wa Umoja wa vijana wa CCM Wilaya ya Ileje, John Mwinyisongole

Na Emanuel Madafa,Mbeya 

Ikiwa imebaki  miezi michache katika kuelekea uchaguzi Mkuu mwezi Ocotba Umoja   wa Vijana wa CCM Mkoa wa Mbeya, (UVCCM) umewataka viongozi mbalimbali na wanachama wa chama hicho ambao wameonyesha nia ya kugombea nafasi ya Udiwani, Ubunge na Urais , kuacha kuwagawa vijana kwa maslahi yao binafsi kwa lengo la kujiuepusha na mpasuko na makundi miongoni mwao.

Kauli hiyo, imetolewa  na Mwenyekiti wa Vijana wa CCM Mkoa wa Mbeya, Amani Kajuna, alipowatembelea  baadhi ya vijana wa chama hicho ambao wameweka kambi katika shule ya Msingi ya Itale iliyopo Wilayani Ileje Mkoani Mbeya.

Amesema , hivi sasa wapo wanasiasa wenye kutaka nafasi mbalimbali za uongozi kuanzia ngazi za chini hadi juu kwa nafasi za Udiwani, Ubunge na Urais, hivyo wamekuwa wakiwatumia vijana katika kufanikisha mambo yao hali ambayo imeanza kuonesha kugawanyika kwa vijana hao.

Hata hivyo, aliwataka baadhi ya wanachama ambao wameonyesha nia ya kutaka kushika nafasi mbalimbali za uongozi, kutambua kuwa sababu ya chama cha mapinduzi kuanzisha makambi hayo kwa vijana ni kutoa elimu, kuwajengea uwezo wa kisiasa ili watambue majukumu yao.

Aidha aliwataka vijana kuwa nguzo imara ya chama na kutumia mafunzo wanayoyapata kwa ajili kuimarisha umoja na kuacha chuki miongoni mwao kwa masalhi ya chama cha Mapinduzi CCM..

Naye Mwenyekiti wa Umoja wa vijana wa CCM Wilaya ya Ileje, John Mwinyisongole, aliwataka vijana wasikukubali kugawanywa kwa ajili ya fedha na kuwa imara wakati wote na kuwataka kujitokeza kuwania nafasi mbalimbali katika chaguzi zinazokuja.

Hata hivyo alisema UVCCM iko imara na hakuna mpasuko wowote na ndio maana kuna makambi mbalimbali yanaendelea ndani ya jumuiya ua umoja wa vijana, na kwamba wako imara na kwamba kama wapo ambao wanataka kuwagawa nafasi hiyo kwao haipo.

Mwisho.

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070