 |
| Waandamanaji wakiwa ndani ya magari . |
 |
| Mwanasheria wa jiji Ndugu Sebastian Danda akitoa ufafanuzi kwa waandishi wa habari juu ya malalamiko ya wachimbaji wa mchanga ,mawe kokoto ambao wameandamana kupinga mrabaha katika shughuli za uchimbaji madini aina ya kokoto, mawe mchanga jijini Mbeya. |
 |
| Mkurugenzi wa jiji la Mbeya Mussa Zunguza |
 |
| Afisa Mfawidhi Ofisi Ndogo ya wakala wa Madini Mbeya Enginia Jumanne Mohamed akitoa ufafanuzi kwa wachimbaji hao . |
 |
| Naye Ofisa Madini Kanda ya Kusini Magharibi Enginia Ramadhani Lwama akitoa ufafanuzi juu ya jambo hilo. |
 |
| Jackso Makwale mchimbaji Uyole |
 |
Na Mwandishi wetu,Mbeya ZAIDI ya Wachimbaji wadogowadogo 2000 wa uchimbaji wa madini ya kokoto ,mawe na mchanga pamoja na madereva wa maroli yanayojishughulisha na ubebaji wa malighafi hizo wameandamana hadi kwenye ofisi za halmashauri ya Jiji la Mbeya, kupinga uamuzi wa Wizara ya Nishati na Madini kuanzisha ushuru wa maroli ya mchanga. Wakizungumza na nje ya ofisi za jiji wamesema kitendo cha serikali kuingiza utaratibu wa kuyatoza ushuru magari ya ubebaji kiasi cha shilingi 2500 kwa kila tripu ni ukandamizaji. Wamesema, wao hawapingani na uamuzi wa serikali wa kuanzisha udhibiti wa uzalishaji na biashara ya madini ya ujenzi na viwanda tatizo ni kushindwa kuweka wazi mfumo wa tozo la kodi kwa upande wa magari yanayojihusisha na ubebaji wa madini hayo.
Aidha,
wafanyabiashara hao waliiomba serikali kuangalia utaratibu wa kuwapunguzia
gharama ya lesseni ya uzalishaji biashara ya madini kwani kiasi cha fedha kilichoainishwa ni kikubwa
ukilinganisha na hali halisi ya kipato cha mtanzania kwa siku.
Akijibu malalamiko hayo Afisa mfawidhi wa ofisi ndogo ya wakala wa madini Mbeya, Jumanne Mohamed, amesema kwa mujibu wa sheria zao mlipaji wa mrabaha ni mchimbaji na si dereva . “Wizara kupitia waraka huu imeweka wazi kwamba mlipaji wa mrabaha ni mchimbaji na kwamba hairuhusiwi kuchimba bila ya kuwa na lesseni hivyo hii shilingi 2500 inalipwa na mchimbaji,”alisema. Amesema, mchimbaji anapolipia kiasi cha shilingi 2500 hukabidhiwa hati ya malipo ambayo hutolewa bure na kwamba hati hiyo anatakiwa kumkabidhi dereva ili asikamatwe na kutozwa faini kutoka kwa watendaji wa madini. Amesema suala la ulipaji wa mrahaba huo uko palepale kwa mujibu wa sheria hivyo nivyema taratibu zikafatwa katika kukamilisha zoezi hilo. Hata hivyo amewatoa hofu madereva wa malori hayo kuwa kimsingi wao hawahusiki na ulipaji wa mrahaba huo badala yake mchimbaji ndio anayeusika na mrahaba huo.
Mwisho.
|
Post a Comment