WAKULIMA WA NDIZI RUNGWE MBEYA SASA KUNUFAIKA NA ZAO HILO

Mkuu wa Wilaya ya Rungwe Ndugu Chrispin Meela

Na EmanuelMadafa,Mbeya

Halimashauri ya Wilaya Rungwe Mkoani Mbeya iko katika mchakato wa haraka wa namna ya kuweka soko la uhakika la zao la ndizi.

Mkuu wa Wilaya hiyo Chrispian Meela akizungumza wilayani humo k amesema umefika wakati sasa wakulima wa zao la Ndizi wakaanza kunufaika na zao hilo pamoja na halimashauri kupata mapato .

Amesema kwa muda mrefu sasa wakulima hao wamekuwa wahawanufaiki na zao hilo hutokana na kutokuwepo kwa soko la uhakika huku wachache wakiendelea kunufaika.

Kufuatia hali hiyo Mkuu huyo wa Wilaya amesema kuwa mpango uliopo sasa ni kuzungumza na Halmashauri za Kinondoni ,Ilala na Temeke kwa lengo la  kutenga eneo moja kwa ajili ya kufanyia biashara hiyo.

Amesema hivi karibuni  itaundwa timu ya madiwani wa halimashauri hiyo ambao wataungana na baadhi ya wataalamu na kufanya ziara jijini Dar es salaam kwa lengo la  kufanikisha zoezi hilo .

Amesema kuungana kwa Halmashauri hizo kutasaidia kupatikana kwa soko la uhakika pamoja na halmashauri hiyo kupata fedha za uhakika kutokana na ushuru utakao patikana katika zao hilo pamoja na kudhubiti bei.

Kwa Muda mrefu sasa biashara ya ndizi imekuwa ikifanyika kiholela huku wakulima wakiendelea kuwa maskini.

MWISHO.

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070