MAJAMBAZI WAVAMIA NYUMBA YA KULALA WAGENI NA KUPORA FEDHA TUNDUMA

Kamanda wa Polisi Mbeya Ahmed Msangi

Na Mwandishi wetu,Mbeya

WATU sita wanaosadikiwa kuwa ni majambazi, wakiwa na silaha wamevamia nyumba ya kulala wageni iliyopo Wilayani Momba Mkoani Mbeya na kufanikiwa kuondoka na kiasi cha fedha cha shilingi 1,800,000 na kumjeruhi mtu mmoja kwa risasi.

Kamanda wa Polisi wa Mkoa wa Mbeya, Ahmed Msangi, alisema tukio hilo limetokea jana, majira ya saa nne usiku katika mtaa wa Mwaka Tarafa ya Tunduma Wilayani Momba Mkoani Mbeya.

Amesema, watu hao wanaodhaniwa ni majambazi wakiwa na silaha aina ya Short Gun, walivamia katika Bar na nyumba ya kulala wageni iitwayo "Feel Hapy" na kumjeruhi kwa risasi Simon Enock(42) katika mguu wake wa kulia.

Aidha, Kamanda Msangi alisema,  mbali na majambazi hao kuondoka na kiasi hicho cha fedha pia waliondoka na mauzo ya siku hiyo ambayo kiasi chake hakikuweza kufahamika.

Hata hivyo, amesema kuwa askari polisi walifanikiwa kuwatia nguvuni baadhi ya watuhumiwa na kwamba wengine wanatafutwa kutokana na kufanikiwa kukimbia mara baada ya kufanya tukio hilo.

Katika tukio lingine, Polisi Mkoani Mbeya, wamefanikiwa kukamata risasi 40 za Bastola baada ya kufanya upekuzi katika moja ya nyumba ya kulala wageni iitwayo “Sogea Tours Hotel&Guest House” iliyopo mtaa wa Sogea- Tunduma Wilayani Momba Mkoani Mbeya.

Akielezea tukio hilo, Kamanda Msangi, alisema risasi hizo zilikutwa ndani ya chumba kimoja ambacho inasemekana kuwa tangu kikodiwe hakijawahi kufunguliwa na aliyekikodi hayupo.

Amesema, upekuzi ulivyofanyika risasi hizo zilikutwa zikiwa zimehifadhiwa katika mfuko wa plastic(Rambo) na kuwekwa kwenye kasha lake na kisha kuwekwa chini kwenye begi lililokutwa chumbani humo.

Hata hivyo, Msangi, alitumia nafasi hiyo kutoa wito kwa wamiliki wa nyumba za kulala wageni na Bar kuwa makini na wateja wao na pindi wanapoona 

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070