TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS RELEASE” TAREHE 16.09.2014.

KAMANDA WA POLISI MKOA WA MBEYA AHMED MSANGI

WATU WAWILI WAFARIKI DUNIA BAADA YA GARI WALILOKUWA WAKISAFIRIA KUACHA NJIA NA KUPINDUKA.

MTEMBEA KWA MIGUU AFARIKI DUNIA BAADA YA KUGONGWA NA GARI.

JESHI LA POLISI MKOA WA MBEYA LINAMSHIKILIA MTU MMOJA AKIWA NA BHANGI.

KATIKA TUKIO LA KWANZA:

WATU WAWILI WAFARIKI DUNIA BAADA YA GARI WALILOKUWA WAKISAFIRIA LENYE NAMBA ZA USAJILI T.497 AFR AINA YA MITSUBISHI CANTER LILILOKUWA LIKIENDESHWA NA DEREVA AITWAYE SEFANIA MSIGALA (40) MKAZI WA MABADAGA KUACHA NJIA NA KUPINDUKA.

WALIOFARIKI NI PAMOJA NA DEREVA WA GARI HILO AITWAYE SEFANIA MSIGALA NA ABIRIA AITWAYE RIZIKI MHANGA (45) MKAZI WA NJOMBE. AJALI HIYO IMETOKEA MNAMO TAREHE 15.09.2014 MAJIRA YA SAA 04:15 ALFAJIRI KWENYE MTEREMKO HUKO KATIKA KIJIJI CHA ITEWE, KATA YA ITEWE, TARAFA YA TEMBELA, WILAYA YA MBEYA VIJIJI, MKOA WA MBEYA.

CHANZO CHA AJALI KINACHUNGUZWA. MWILI WA MAREHEMU UMEHIFADHIWA KATIKA HOSPITALI YA RUFAA MBEYA.

KATIKA TUKIO LA PILI:

MTEMBEA KWA MIGUU ALIYEFAHAMIKA KWA JINA LA PASTON MAJUTO (09) MKAZI WA INYALA AMEFARIKI DUNIA PAPO HAPO BAADA YA KUGONGWA NA GARI LENYE NAMBA ZA USAJILI T.481 ABF AINA YA TOYOTA HIACE LILILOKUWA LIKIENDESHWA NA DEREVA AITWAYE KUDRA BAKARI (44) MKAZI WA SOWETO JIJINI MBEYA.

AJALI HIYO IMETOKEA MNAMO TAREHE 15.09.2014 MAJIRA YA SAA 09:20 ASUBUHI HUKO KATIKA KIJIJI CHA INYALA, KATA YA INYALA, TARAFA YA TEMBELA, WILAYA YA MBEYA VIJIJI, MKOA WA MBEYA. CHANZO CHA AJALI NI MWENDO KASI. DEREVA AMEKAMATWA NA GARI LIPO KITUONI. MWILI WA MAREHEMU UMEHIFADHIWA KATIKA HOSPITALI YA RUFAA MBEYA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA KUWA MAKINI WANAPOTUMIA VYOMBO VYA MOTO IKIWA NI PAMOJA NA KUZINGATIA NA KUFUATA SHERIA ZA USALAMA BARABARANI ILI KUEPUKA AJALI ZINAZOWEZA KUEPUKIKA.

TAARIFA ZA MISAKO:

MTU MMOJA ALIYEFAHAMIKA KWA JINA LA INYASI SAKAYA (28) MKAZI WA MAJENGO – MAKONGOLOSI ANASHIKILIWA NA JESHI LA POLISI MKOA WA MBEYA AKIWA NA BHANGI MISOKOTO MIWILI [02].

MTUHUMIWA ALIKAMATWA MNAMO TAREHE 15.09.2014 MAJIRA YA SAA 05:30 ALFAJIRI HUKO STAND YA MAGARI – MAKONGOLOSI, KATA YA MAKONGOLOSI, TARAFA YA KIWANJA, WILAYA YA CHUNYA, MKOA WA MBEYA.

MTUHUMIWA  ALIKUTWA AKIWA ANAVUTA BHANGI HIYO NA ALIPOPEKULIWA ALIKUTWA NA MISOKOTO HIYO MIWILI KWENYE MFUKO WAKE WA SURUALI. TARATIBU ZA KUMFIKISHA MAHAKAMANI ZINAENDELEA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA TABIA YA KUTUMIA DAWA ZA KULEVYA KWANI NI KINYUME CHA SHERIA NA NI HATARI KWA AFYA YA MTUMIAJI.

Imesainiwa:

[AHMED Z. MSANGI – SACP]

KAMANDA WA POLISI MKOA WA MBEYA.

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070