MTOTO WA MIAKA 5 AFA KWA KUANGUKIWA NA MTI MBEYA

Kamanda wa Polisi Mbeya Ahmed Msangi

Na Emanuel Madafa,Mbeya

Mtoto wa miaka (05) aliyetambulika kwa jina la Isack Jacob Mkazi wa kijiji cha ilundo amefariki dunia baada ya kuangukiwa na mti uliokuwa unakatwa na wanafunzi wa shule ya sekondari kiwira iliyopo wilaya ya rungwe.

Tukio hilo limetokea Octoba 16 mwaka huu  majira ya saa 11:00 asubuhi huko katika maeneo ya shule ya sekondari kiwira, kata ya kiwira,  wilayani   rungwe, Mkoa wa Mbeya.

Inadaiwa kuwa, marehemu alikuwa akiokota kuni na watoto wenzake vichakani na ndipo aliangukiwa na mti huo na kupelekea kifo chake.

Kamanda wa Polisi Mkoa wa Mbeya Kamishina msaidizi mwandamizi wa polisi Ahmed   Msangi anatoa wito kwa wazazi na walezi kuweka uangalizi wa kutosha kwa watoto wadogo ili kuepuka madhara yanayoweza kuepukika.

Aidha, anatoa wito kwa jamii kutowaruhusu watoto wadogo kwenda maeneo ya vichakani porini bila kuwa na watu wazima kwani ni hatari.

Mwisho

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070