BREAKING NEWZZZ>>>ASKARI POLISI AJIUA KWA KUJIPIGA RISASI NDANI YA KITUO CHA POLISI MBOZI MBEYA>>>>>SOMA HAPA

Kamanda wa Polisi Mbeya Ahmed Msangi

Na Emanul Madafa,Mbeya

ASKARI  polisi mwenye cheo cha Sajenti, D 4179 Partick Gondwa (54), amejiua kwa kujipiga risasi akiwa ndani ya kituo cha polisi na kusababisha kifo chake papo hapo Wilayani Mbozi Mkoani Mbeya.

Askari huyo ambaye, pia ni mtunza vielelezo kwenye kituo hicho cha Polisi Wilaya ya Mbozi, inasemekana alijipiga risasi ndani ya kituo hicho kwa kutumia bastola ambayo nayo pia ni kielezo kilichokuwemo ndani ya chumba hicho.

Kwa mujibu wa Kamanda wa Polisi Mkoa wa Mbeya, Ahmed Msangi, alisema tukio hilo limetokea majira ya saa tisa za usiku huko katika kituo cha polisi cha Mbozi , ambapo inasemekana kwamba marehemu huyo aliingia ndani ya chumba cha kuhifadhia vielezo, kisha kuchukua bastola na kujipiga kwenye kichwa chake.

Amesema Maelezo ya awali ni  kwamba askari huyo, alifika ndani ya kituo majira ya saa tisa za usiku na kuingia kwenye moja ya chumba cha vielelezo na kuchukua bastola na kisha kuielekeza kwenye mdomo wake na kuifyatua.

Msangi, aliendelea kufafanua kwamba, inadaiwa kwamba askari huyo alipoingia ndani ya chumba hicho alikaa chini na kuuelekeza mdomo wa bastola kwenye kinywa cha mdomo kisha kuifyatua  hali iliyosababisha kufumua kichwa chake na kusababisha umati wake papo hapo.

Aidha, Kamanda Msangi, alisema kuwa chanzo cha tukio hilo kinachungwa na kwamba mwili wa marehemu umefanyiwa uchunguzi na kukabidhiwa kwa ndugu na jamaa tayari kwa maziko.

Marehemu huyo, ameacha mke na watoto na  kwamba ni mwenyeji wa Sumbawanga  Mkoani Rukwa.

Mwisho.

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070