MTOTO MIAKA 5 AUWAWA NA MJOMBA WAKE KWA KUTENGANISHWA MWILI>>>>>SOMA HAPA

Kamanda wa Polisi Mbeya Ahmed Msangi

Mtoto wa miaka (05)  Jonson Mwamwere, mkazi wa Nsalaga jijini mbeya, ameuawa kwa kupigwa sululu kichwani  na kutenganishwa kichwa na kiwiliwili na  mjomba wake Yona Mwamwere (38) Mkazi wa Nsalaga.

Tukio hilo la kusikitisha limetokea Machi  16 mwaka huu  majira ya saa 11:00 asubuhi huko katika mtaa wa Nsalaga-Uyole, Kata ya Nsalaga,jiji na Mbeya.

Awali inadaiwa kuwa, Yona Mwamwere alikuwa anamfukuza mtoto huyo ambaye ni mjomba wake kutoka nyumbani na alikimbilia kwenye jengo lililopo jirani na nyumbani kwao ambalo bado lipo kwenye ujenzi.

Hata hivyo taarifa zinadai kuwa, yona mwamwere alipofika kwenye jengo hilo aliwatishia mafundi waliokuwa wanajenga na wote walikimbia, hivyo alimuua mjomba wake huyo kwa kumpiga kichwani kwa sululu na kutenganisha kichwa na kiwiliwili.

Kufuatia tukio hilo mafundi waliokuwa wakiendelea na ujenzi walipiga kelele za kuomba msaada, hivyo kundi la wananchi walioamua kujichukulia sheria mkononi walijitokeza na kumshambulia mtuhumiwa kwa kumpiga hadi kufa na kisha kuuchoma moto mwili wake.

Marehemu wote walikuwa ni ndugu wanaoishi nyumba moja, miili yao imehifadhiwa hospitali ya rufaa mbeya. Chanzo cha tukio hili kinachunguzwa ingawa uchunguzi wa awali unaonyesha kuwa marehemu yona mwamwere alikuwa na matatizo ya akili.

Kamanda wa polisi mkoa wa mbeya kamishna msaidizi mwandamizi wa polisiAhmed  Msangi anatoa pole kwa familia ya marehemu kutokana na tukio hilo.

Aidha anatoa wito kwa jamii/wananchi kuacha tabia ya kujichukulia sheria mkononi kwani ni kinyume cha sheria na badala yake wajenge tabia ya kuwafikisha katika mamlaka husika watuhumiwa wanaowakamata kwa tuhuma mbalimbali kwa hatua zaidi za kisheria.

MWISHO
Jamiimojablog

Je, Una Habari,Picha,Tangazo,Makala, Ushauri n.k.?Basi Wasiliana Nasi Simu/WhatsApp 0759 406 070