 |
| watuhumiwa wa vurugu hizo wakifikishwa mahakamani. |
Na,Bosco
Nyambege,Tunduma
Jeshi la
polisi mkoani Mbeya, limefanikiwa kurejesha hali ya utulivu kufuatia vurugu
zilizoibuka mapema leo asubuhi katika Mamlaka ya mji mdogo wa Tunduma na jeshi hilo
kulazimika kutumia nguvu, huku watu 26 akiwemo Diwani wa kata hiyo Frank
Mwakajoka kufikishwa mahakamani kwa tuhuma za uchechezi.
Chanzo
cha tukio hilo ni kugombea eneo moja la wazi lililopo Sogea, linalodaiwa
kumilikiwa Chama Cha Mapinduzi kata hiyo, ambapo wananchi wanahitaji kujenga
zahanati huku CCM wakitaka kulitumia eneo hilo kwa matumizi mengine.
Habari
zimeeleza kwamba, ujenzi wa zahanati hiyo ulianza wiki iliyopita ambapo baada
ya kazi hiyo kuanza CCM walikwenda kupinga katika Baraza la kata ambalo
liliwapo ushindi ccm, ambapo wananchi hao walikata rufaa baraza la ardhi la
wilaya ambako walitupilia mbali dai hilo ndipo wakaanza kujenga kwa nguvu.
Mwenyekiti
wa kitongoji cha Sogea ambaye hajataja jina lake amesema wanachohitaji wananchi
wa Tunduma ni maendeleo na si vurugu kama ambavyo imetokea.
Mkurugenzi
Mtendaji wa mji wa Tunduma Juma Kitabuge akizungumza na Ilasi fm kwa njia ya
simu amesema kumbukumbu zinaonesha kuwa kiwanja hicho kinamilikiwa na CCM.
Amesema
hata hivyo ameagiza kwamba kwa kuwa eneo hilo limekuwa na mgogoro basi
lisifanyiwe shughuli yoyote hadi pale suala la msingi litakapofanyiwa kazi.
Kitabuge
ameongeza kuwa ofisi yake imeagiza kila mwananchi anapotaka kujenga jengo
lolote hata kama ni kiwanja chake aihusishe ofisi ya ardhi ili aruhusiwe na
kwamba wananchi nao hawakufuata taratibu ikiwa ni pamoja na Idara ya afya.
Kwa
upande wao viongozi wa CCM hawakupatikana na kuwa ofisi zao zimefungwa ikidaiwa
kuwa wapo ziarani vijijini.
Kwa
upande wake katibu wa chadema wilaya ya Momba Godfrey Siame akizungumza na
kituo hiki amesema amesikitishwa na tukio hilo na kusema kwani jambo lililokuwa
likifanyika ni kwaajili ya jamii na si kama lilovyochukuliwa kuwa ni la
kisiasa.
Kufuatia
vurugu hizo watu 26 wamefikishwa katika mahakama ya wilaya ya mbozi akiwemo
diwani wa kata ya Tunduma Frank mwakajoka(CHADEMA) na wamenyimwa dhamana hadi
march 30 mwaka huu.
Imedaiwa
mbele ya hakimu wa mahakama ya wilaya Names Chami na mwendesha mashitaka wa
polisi Joel Mori kwamba washitakiwa kwa pamoja bila uhalali walifanya mkutano
kinyume cha kifungu 74 na 75, shitaka lingine ni kufanya fujo na kuchoma
matairi barabarani kinyume na kifungu 89 (1) B, Kuharibu mali kinyume cha
kifungu 326 (1) na kushawishi watu kutenda kosa.
Mwisho.
Post a Comment